Министерот Попоски на работна посета во Србија

popovski-vo-belgrad

Министерот за надворешни работи на Македонија, Никола Попоски, денеска оствари работна посета на Република Србија, на која се сретна со српскиот министер за надворешни работи и потпретседател на владата, Ивица Дачиќ, и со српскиот премиер, Александар Вучиќ.

На средбите биле потврдени определбите на двете земји за понатамошен развој на билатералните односи во сите области од заеднички интерес, како и намерата за зајакнување на економската соработка.

„Воедно, шефовите на дипломатијата од двете земји и претседателот на владата на Србија разговараа за евроинтеграциите и се согласија дека ќе продолжат меѓусебно да се поддржуваат на европскиот пат. Со оглед на тоа дека Македонија и Србија се соочуваат со голем прилив на бегалци и на мигранти од Блискиот и од Средниот Исток, соговорниците истакнаа дека двете држави се подготвени да ја продолжат меѓусебната координација, како и координацијата со нивните европски партнери во решавањето на ова прашање“, информираат од МНР.

На средбата била нагласена важноста од одржување на мирот и на стабилноста во регионот, а соговорниците потврдиле дека двете земји ќе продолжат да придонесуваат во остварувањето на оваа цел.

Извор: Мета

Интересно

sobrani11-860x680

Ќе се формира Анкетна комисија за случајот „Фабрика за фалсификувани лични документи“

Пратениците во Собранието денеска донесоа одлука да се формира нова анкетна комисија за фабриката за …